"આજ" જરા..

લાવ "આજ" જરા રડી લઉં..
સમય સાથે થોડું લડી લઉં..

ઉરમાં ન જાણે કેટ-કેટલા પૂર,
લાવ બચવા જરા મથી લઉં..

તમે છો જીંદગી મારી હજી,
મોતની જોડે દોસ્તી પણ છે સજી..
સંબંધ બન્ને સાથે એકદમ નજીકનો,
છોડુ કોને.? ને સંગાથ કોનો કરી લઉં.!!

આક્ષેપો ખોટા મનને મનાવવાના,
ઉઝરડા પાડી દિલને સતાવવાના..
સવાલ બન્નેને છે ખાલી સ્વાર્થનો,
છોડી જવાબ, બસ જાતને થોડી જતિ લઉં..

લાવ "આજ" જરા રડી લઉં..
સમય સાથે થોડું લડી લઉં..

(જતિ - યોગી, વેરાગી; ઉર - હૃદય)



ઝેનિથ સુરતી
૦૯/૦૨/૨૦૧૦